Black + Gray!

Elle сэтгүүлд ажилладаг Kate Lanphear хар, саарал голдуу цулгай өнгө, өмд, пиджак гээд эршүүд элементийг рок стилийн аксесуартай хослуулж өмсдөг.

Summer black

Individual style - Монгол залуус Oyster сэтгүүлд

Энэ удаа та бүхэндээ Oyster сэтгүүлээс нэгэн сонирхолтой мэдээлэл хүргэж байна. Австралийн томоохон инди чиглэлийн фэйшн сэтгүүл болох Oyster -т Монгол залуусын тухай нийтлэгджээ. Oyster нь 1994 оноос хойш гарч буй залуучуудад зориулсан инди сэтгүүл бөгөөд өөрийн гэсэн өвөрмөц өнгө аястай, ялангуяа Still Life буюу натюрморт зургаараа нилээд дээгүүрт ордог сэтгүүл юм.

Oyster 54 дэх дугаартаа (2005 оны намрын дугаар бололтой. Он сараар биш дугаарын дарааллаар тэмдэглэдэг болохоор рекламаар нь оныг нь мэдэж болно) Монгол залуусын стилээс танилцуулжээ. Мэдээж одоо харахад зарим элемент нь бага зэрэг хоцрогдсон харагдаж буй ч, моод хөөгөөгүй, хувь хүний өөрийнх нь стил болохоор сонирхолтой хэвээр байна. Сүүлийн үеийн моодыг хөлөөс толгой хүртэл өмссөн, нэгэн хэвэнд цутгасан юм шиг байснаас өөрийнхөөрөө байх хамаагүй гал цогтой, өвөрмөц харагддаг.

Аль ч нийгэм, цаг үед олонхыг дагах бус сөрдөг залуус байдаг. Энэ категорийнхнийг "Rebel" эсвэл "Indie" гэж дууддаг. Rebel гэдэг нь эсэргүүцэх гэсэн утгатай. Хэдийгээр цаг үе, нийгэм нь тухайн үедээ хүлээж авахгүй тохиолдол элбэг ч өөрийн гэсэн стиль, үзэл бодол бусдыг харанхуйгаар даган дуурайхаас хамаагүй дээр. Ингээд уг сэтгүүлийн сэтгүүлч Victoria Bauer-н бичсэн нийтлэлийг орчуулан хүргэе.

Гайхамшгийн орон

(Wonderland) By Victoria Bauer.

Монголд коммунизм унаснаас хойш 10 гаруй жил өнгөрч (Уг нийтлэл 2005 онд бичигдсэн. Орч.) тус улсын уран бүтээлч залуус шинэхэн олдсон артистик эрх чөлөөндөө умбаж байна. Монгол гэхээр хэний ч санаанд MTV, Calvin Klein, Cafe Latte хамгийн түрүүнд буухгүй нь лавтай. Харин оросын нөлөөт социализмын дор долоон аравныг үдсэний эцэст Монгол залуучууд Азийн хамгийн уран бүтээлч залуусын нэг болон гарч ирж байна.

Монгол бол залуу орон. Хүн амын 60% нь 30-с доош, 40% нь 16 -с доош настай.
Ихэнх залуучуудийн хувьд кабелийн суваг хамгийн том ертөнцийг харах цонх нь бөгөөд стилийн хувьд хуурамч Calvin Klein, Өвөрмөц Ази, Орос панк зэрэгцэн голлодог. Улаанбаатарт нийт 680-аас дээш тооны баар байдаг буюу өөрөөр хэлбэл 880 хүн тутамд нэг баар оногдох ба баасан гаригийн орой ихэвчлэн Ази техно, мартагдсан 80-аад он, сэтгэлд ойр караокэ-р амьсгалдаг юм.

Коммунизмын үед уран бүтээлчид засгийн газрын хатуу хараа хяналтан дор хавчигдаж, Капиталист арт гэгдэж хориглогдсон барууны рок зэргийг бага ч болов дуурайх эрхгүй байлаа. Харин 10 гаруй жилийн өмнө эрх чөлөөгөө тунхагласанаас хойш Монгол уран бүтээлчдийн хүчтэй хувьсгал эхэлсэн юм.

Монгол залуусын уран бүтээлч авьяас одоо л хуучин системийг бут цохиж гарч ирч буй бөгөөд уран зураг нь Sotheby- д дуудлага худалдаанд орж, зарим нэгэн найруулагчид дэлхийн тавцанд эн зэрэгцэн гялалзаж байна. Ийнхүү шинэхэн олсон уран бүтээлийн эрх чөлөө нь бусад Азийн хөршүүдтэйгээ өрсөлдөхүйц уран бүтээл олноор төрүүлж байгаа юм.

Ариунаа.
Мэргэжил: Киноны дуу оруулагч
Дуртай кино: Spiderman
Дуртай хамтлаг/дуучин: Madonna
Хүндэлдэг хүн: Далай Лам
Хамгийн уран бүтээлч үе: Найзуудтайгаа байхдаа.
Дуртай хувцас: Савхин өмд ( My leather pants)
Фэйшн уриа (зөвлөгөө): Хамтлаг дуучдын зураг, бичигтэй хувцасанд дуртай.
(I love band/musician merchandise!)

Бадмаа.

Мэргэжил: Загвар өмсөгч
Дуртай кино: Хөөрхөн хүүхэн
Дуртай хамтлаг/дуучин: NSync
Хүндэлдэг хүн: Хүсэл мөрөөдлөө дагадаг бүх хүн.
Хамгийн уран бүтээлч үе: Ууланд авирч байхдаа.
Дуртай хувцас: Жинс
Фэйшн уриа (зөвлөгөө): Кет бүх хувцастай зохицдог.

Цэнгэл.

Мэргэжил: Фэйшн Дизайнер
Дуртай кино: Monsoon Wedding.
Дуртай хамтлаг/дуучин: Blur.
Хүндэлдэг хүн: Аав, ээж.
Хамгийн уран бүтээлч үе: Сэтгүүл уншиж байхдаа.
Дуртай хувцас: Энэ цамц.
Фэйшн уриа (зөвлөгөө): Саа гоё шүү. (Sequins are cool)

Хулан.

Мэргэжил: Телевизийн хөтлөгч.
Дуртай кино: Lost in Translation.
Дуртай хамтлаг/дуучин: Yeah Yeah Yeahs
Хүндэлдэг хүн: Найз залуу.
Хамгийн уран бүтээлч үе: Найзуудтайгаа байхдаа.
Дуртай хувцас: Өндөр түрийтэй кет.
Фэйшн уриа (зөвлөгөө): Кет мандутгай! (Sneakers rock!)

Сараа.

Мэргэжил: Фэйшн Дизайнер
Дуртай кино: Хятад кинонууд.
Дуртай хамтлаг/дуучин: East 17. (Тэд саяхан энд тоглосон!)
Хүндэлдэг хүн: Аав.
Хамгийн уран бүтээлч үе: Янз бүрийн даавуунууд харахаараа.
Дуртай хувцас: Энэ плате!
Фэйшн уриа (зөвлөгөө): Тэрлэг бүх хувцастай зохицдог.




Мөнгөлдэй

Дуртай кино: Lost in Translation
Дуртай хамтлаг/дуучин: DJ Shadow
Хүндэлдэг хүн: Бүх эмэгтэй DJ- нaр
Хамгийн уран бүтээлч үе: Club -д олныг доргиосон ая тавьж байхдаа.
Дуртай хувцас: Миний хар Metallica футболк.
Фэйшн уриа (зөвлөгөө): Зөвхөн хар! Үргэлж хар! (Black all the way!)

P.S Таны зураг гарсан бол холбоо барьж сайн чанартай зургийн хувилбарыг авч болно.

Katie Holmes ( latest)

Эгэл жирийн нарийхан бүсээр энгийн цулгай кардиганыг моодны харагдуулсан байна. Сүүлийн үед өргөн бүс их моодонд орж байгаа ч, амидрал дээр хэрэглэхэд эвгүй, тэгээд ч өндөр туранхай л биш бол хэт өргөн бүс, хэтэрхий бэлхүүс хэсэгт анхаарал татаад, биеийг эрс хуваагаад онцгүй байдаг. Нарийн бүс хэтэрхий уйтгартай санагдаад байвал заавал бүслэхгүйгээр, зүгээр уячихад л донжтой харагддаг. Эсвэл улаан гэх мэт тод нарийн бүс бол натурал өнгөнөөс илүү импакттай байх болно.

Бага зэргийн саатай ороолтоор энгийн хувцаслалтанд акцент болгожээ.

Иймэрхүү шоотой, эрэгтэй хүүхдийнхэрхүү сорочкон цамц их залуу харагдуулдаг. Саарал ороолт нь даруухан мөртлөө стилтэй харагдаж байна.
Ер нь эмэгтэй хүн гэхээр заавал бөөн чимэг, саа зүүгээд явна гэсэн үг биш. Харин ч эршүүд стилийн хувцасыг гоё өмсөж чаддаг бүсгүйчүүд илүү стилтэй харагддаг. Гэхдээ мэдээж заавал нэг эмэгтэйлэг элемэнт оруулах хэрэгтэй.

Бөмбөгтэй хээ= залуу, хөгжилтэй харагдуулдаг. Katie том, жижиг бөмбөгтэй цамц давхарлаж өмссөн нь чамин харагдаж байна. Энэ бол японы алдарт дизайнер Rei Kawakubo -н H&M-д зориулсан загвар.

Классик шоотой цамц + трапец жинс + өндөр өсгийт.

Саарал ноосон цамц + Хар савхин куртка.

Саарал футболк + хар хөх кардиган + өргөн жинс.
Katie ихэвчлэн хүн бүрт байдаг суурь хувцасыг стилтэй харагдуулдгаараа онцлог.
Энэ удаа энгийн саарал футболк, хар хөх кардиганыг сүүлийн үеийн моодны өргөн жинстэй хослуулжээ. Шинэ моодыг өөрт байгаа, хуучин суурь хувцас-тай хослуулж өмсөх их зөв арга. Гэнэт хөлөөс толгой хүртэл моодлох ихэнх хүнд инээдтэй харагддаг.

Жирийн цагаан кардиган, жинсийг бөмбөгтэй алчуураар акцент болгосон байна. Ер нь алчуур, ороолт хамгийн чухал аксесуаруудийн нэг. Иймэрхүү энгийн xувцастай хослуулахад шууд стилтэй харагдуулдаг. Гэхдээ хүний нүдэнд хамгийн түрүүнд тусах зүйлсийн нэг болохоор өнгө материал нь буруу, хямд харагдахгүй талаар бодолцоорой.
Их саа, чимэглэл, цацаг, унжлагатай ороолт ихэнх хүнд аятайхан харагддаггүй.

Бүх хувцас нь энгийн юм шиг мөртлөө цаанаа л чамин байна. Өргөн жинс, эршүүд малгайгаар моодолж, бусад хувцасаа хараар суурилжээ.Гэхдээ энэ бол өмсөхөд хэцүү, олон хүнд зохидоггүй стиль.

Хар, саарал, цагаан.

Жинсэн шёртыг 25 гарсан эмэгтэй хүн өмсөх нэг их зөв сонголт биш. Гэхдээ заавал өмсмөөр байвал ингэж хар трикон дээр, бусад хувцасаа энгийн өмссөн нь дээр.

La vie en rose

"La vie en rose" киноноос санаанд үлдсэн хувцаслалтаас хүргэе.

судалтай бантиктай улаан кардиган нь үнэхээр чамин юмаа.

цэцэгтэй плате, усан цэргийн стиль = Усан цэргийн стиль бол үнэхээр классик, донжтой,100 хувь франц харагддаг стиль.
( Мэдээж малгайг нь хасаад)

Өнгө

Хар хөх өнгө хараас илүү гүн харагддаг, мөн хартай хослуулхад хурцдаад байдаг ч юмуу, нэг л зохицол муутай өнгөнүүд яагаад ч юм хар хөхтэй бол илүү зохицдог. Жишээ нь улаан, ногоон гэх мэт.
Хар хөх+ улаан бол хамгийн стилтэй бүсгүйчүүдийн дуртай хослол. Та ч гэсэн туршаад үзээрэй. Шууд л парис стилтэй харагдана.

Chic!

Богино үстэй тусмаа эмэгтэйлэг хувцас зохидог юм шиг ээ... Юбка, туфли гээд л. Цаанаа л донжтой, хамгийн гол нь эмэгтэйлэг элемэнтүүд нь эршүүд үстэй нь зохицоод баланстай харагдаж байна.

Retro style!

Улаан уруулын будаг, бөөрөнхий зах, бөмбөгтэй хээ = Хуучны буюу ретро стиль.

Ер нь хэт орчин үеийн, моодны сэтгүүлээс гарч ирсэн юм шиг харагдснаас заавал нэг классик, хуучны, хамгийн гол нь өөрийн гэсэн элемэнт оруулж хувцаславал зүгээр.