Sheer + Gold

Kate Moss in John Galliano dress.

( And Bridezilla in me is back)

Before wedding.

Source: Dailmail UK

Oh my!

Миний 100% идеал, мөрөөдлийн хуримын плате. Илүү дутуу зүйлгүй, урт ханцуйтай, элегант! Харамсалтай нь дизайнерыг нь тэмдэглэж авахаа мартчихаж.

Хурим гэхээр заавал том том, нүсэр торт шиг плате байх албагүй гэж боддог. Зарим хүн амьдралдаа ганц ( эсвэл 2, 3, 4? (за ямар ч байсан цөөхөн) өмсөх юм чинь аль болох фантазтай байвал сайхан гэдэг. Арван хэдтэй байхдаа тийм нэвсгэр торт шиг загвар өмсөнө гэж боддог байлаа. Харин хорь гараад зүгээр өдөр тутмын платенийхаа сайжруулсан хувилбарыг, цагаанаар гол нь сайн чанарын жинтэй торгоор хийснийг өмсвөл болно гэж боддог болсон. Хэдэн жилийн өмнө хурим хийхийн хүсэл мөрөөдлөөр хэсэгтээ өвчилсөн. Англиар Bridezilla-н синдром гэдэг.

Photo: Helmut Newton

Тухайн үед иймэрхүү 60-аад оны юм шиг, богино цагаан, шулуун загвар өмсөе гэж бодож байлаа. Гэхдээ бөөрөнхий сатин захтай. Та хуримын плате энгийн байсан нь дээр гэж үздэг үү? Эсвэл аль болох фантаз ихтэй юу?

Шинэ үе айсуй...

Эдгээр загварууд бол саяхан сар гаруйн өмнө Францын өмнө зүгийн Hyeres хотод зохиогдсон олон улсын загвар ба фото зургын фестивалд үзэгчдийн саналаар шалгарсан бүтээл юм.

Уг фестивал нь 1985 оноос хойш зохиогдож буй шинэ залуу авьяасыг нээх зорилготой бөгөөд фэйшн ертөнцийн хамгийн том авангард дюо болох "Viktor & Rolf " -г 1993 онд нээсэн томоохон хэмжээний нэр хүндтэй фестивал билээ.

Мөн Gaspard Yurkievich, Felipe Oliveira Baptista, Marc Le Bihan, Henrik Vibskov гэх мэт инди чиглэлийн томоохон дизайнерууд уг фестивалаар анх гарч ирж байжээ. Энэ жилийн шүүгчдийн бүрэлдхүүнд фэйшн ертөнцийн шилдэг аравт багтаx Dries Van Noten орсон байна. Өмнөх жилүүдэд Azzedine Alaïa, John Galliano, Ann Demeulemeester, Karl Lagerfeld, Jean Paul Gaultier гээд топ дизайнерууд шүүгчээр уригдаж байжээ. Ингээд олныг нуршилгүй уг загваруудыг бүтээсэн дизайнерыг танилцуулая.

Мөнхөөгийн Цолмандах. 33 настай. Парис хотод ажиллаж амидардаг. Парис хотын " Atelier Chardon Savard" сургуулийг төгссөн. Тэрээр нийт 10 оролцогчдоос энэ оны үзэгчдийн нэрэмжит ( Public Prize) шагналыг авсан юм.

Yohji Yamamoto, Rick Owens, Ann Demeulmeester нарыг санагдуулам өвөрмөц авангард стилийн загваруудaa 18-р зууны үеийн монгол хатад болон буддизм, лам нарын орхимж зэргээс сэдэвлэн машины агаар шүүгчийн хэлбэр, амазон гэх мэт элемэнтүүдтэй хослуулжээ.

Сүүлийн 20 жил хэвээрээ байгаа "Гоёл" -н тайзнаас эрс өөр загварууд нь үнэхээр өвөрмөц, өөрийн гэсэн өнгө аястай, шинэлэг байлаа. Дозыг нь хэтрүүлж туйлшрахгүйгээр "Монгол" өнгө аясыг ялимгүй бага, шүргээд өнгөрөх төдий оруулж, бусад хэсэгтээ техник чадвар, уран сэтгэмж, детайл, texture contrast зэргийг гайхалтай баланстай тохируулснаар, дэлхий даяар ойлгож, хүлээн зөвшөөрөх хэмжээний урлагын бүтээл болж чаджээ.

M. Цолмандах ирээдүйд өөрийн брэндээ гаргах, эсвэл өөрийн дуртай дизайнерууд болох John Galliano, Alexander McQueen , Rick Owens нарын брэндэд ажиллахыг хүсч байгаа гэнэ. Интернэт-р түүний тухай илүү ихийг мэдэхийг хүссэн сэтгэгдэл, бичлэгүүд үлдсэн байна. Ингээд авьяаслаг дизайнертаа ирээдүйн ажилд нь улам их амжилтийг хүсч, дараа дараагийн Runway шоуг нь тэсэн ядан хүлээж буйгаа хэлье.

Hyères 2010 - Tsolmandakh Munkhuu Show from modabot on Vimeo.

Sources: http://www.villanoailles-hyeres.com/hyeres25en.php?cat_id=3

http://www.ashadedviewonfashion.com/
http://alizemorand.com/2010/06/06/talent-alert-from-hyeres-tsolmandakh-munkhuu/
http://blogs.lexpress.fr/cafe-mode/2010/05/hyeres-bouffee-creative.php
http://giantmag.com/articles/the-giant-issues/jeanene-james/blackface-fashion-exhibit-art-or-racism/#more-504102

Oscar 2010

Энэ жилийн Оскарт урт хормой, цайвар өнгө, мөргүй загвар зонхилжээ. Танд хэний плате таалагдаж байна?

Go World!

Юн А Ким - БНСУ

2010 Vancouver Уран гулгалтын эмэгтэйчүүдийн шорт программыг тэргүүлэгч.

Bag of surprise!

Та бүхэндээ ирж буй шинэ оны мэнд хүргэе. Ингээд жил бүрийн шинэ жилээр зохиодог уламжлалт Сюрприз арга хэмжээг зарлаж байна.


Танилцуулга: Шилдэг шинэ жилийн арга хэмжээний хувцаслалт шалгаруулна. Шинэ жилийн арга хэмжээнд зориулж хувцасласан өөрийнхөө зургаа илгээж оролцоно.

Хугацаа: 2009.12 сарын 23 наас шинэ оны 1 сарын 6 хүртэл.

Тавигдах шаардлага:
- Оролцогч зөвхөн өөрийнхөө зургийг явуулна. Нэг оролцогч нийт 3 хүртлэх зураг явуулах эрхтэй. 2009 оны зураг байна.
- Нийт 3 оролцогчийг шалгаруулж урамшуулна.
- 21-с дээш насны бүсгүйчүүд оролцох эрхтэй.
- Оролцогчдын зургийг нийтлэн санал асуулга явуулж ялагчийг тодруулна.
- Зургийн хамт овог нэр, насаа манай мэйл хаягаар дээр заасан хугацаанд илгээнэ үү.

Шагнал: Шалгарсан оролцогчдыг Ле бүтик-н ууттай сюрприз хүлээж байна. Танд мэйл хаягаар шалгарсанийг мэдэгдэх ба 2010.01.11ний дотор өөрийн биеэр бичиг баримтын хамт Ле бүтик-т очиж шагналаа хүлээн авна уу.

Танд амжилт хүсье!

Жич: Оролцогчдын явуулсан зураг нь хувь хүний өмч бөгөөд гуравдагч хэвлэл мэдээллийн хэрэгслэл дамжуулан хэвлэн нийтлэхийг хориглоно.

Best & Worst of the UBS Music 2009

Энэ жилийн UBS Music awards-н улаан хивсний ёслолын ажиллагааны хувцаслалтаас хүргэж байна.

Best:

Мишээл, Мөнгөлдэй.

Мөнгөлдэй бусдаасаа хамгийн өвөрмөц, стилтэй, өөртөө итгэлтэй харагдсан. Шар үс ихэвчлэн Ази бүсгүйчүүдийг хямд харагдуулдаг ч, харин энэ удаа маш дэгжин харагдаж байна. Шар үс, хагас ил гарсан мөр нь гол акцент нь болж олон өнгө холилгүй хараар суурилсан нь гол акцентаа тодруулсан байна. Зөвхөн гутлаараа бага зэрэг саа оруулсан нь ч доз таарч, бусад шивээс, үс, мөр, нүүрний будалтаас нь анхаарал сарниулахгүй хэрнээ сонирхолтой харагдаж байна.

Мишээлийн хувьд рок стилийг барьсан ч хэтэрхий хөлөөс толгой хүртэл нэг стилээрээ хичээсэн санагдлаа. Бага зэрэг өөр стилтэй холисон бол илүү дээр байлаа. Гэхдээ дажгүй ээ. Нэгэн хэвийн байснаас л дээр. Заавал секси харагдах гэж хичээснээс өөрийнхөөрөө байх нь хамаагүй оригинал.

Сүндэрьяа. Зөв пропорцтой хувцасласан байна. Улаан өнгөө гол акцент болгож бейж цуваар тод улаан өнгөө зөөллөсөн байна. Мөн уруулын будгаа платетайгаа хослуулсан нь дэгжин харагдаж байна. Уруулын будаг, плате-н өнгөө хослуулах амилуулахад хэцүү ч, гоё зохисон байна. Мөн гутал цүнх зэрэг аксесуараа хараар хослуулсан нь улаан өнгөнөөсөө анхаарал сарниулахгүй ч, ижил жин эзлэж харагдаад сайн сонголт болжээ. Сүндэрьяа өөрийн гэсэн стиль гэж юу вэ, өөрт юу зохих вэ гэдгээ мэддэг цөөхөн бүсгүйчүүдийн нэг. Залуусын хувьд баруун захад нь байгаа залуу стилтэй, зөв пропорцтой харагдаж байна.

Болд. Баяр ёслолд тааруулж хувцаслаж чаддаг байна гэдэг том соёл. Костюм пиджактай залуусаас Болд л ганцаараа биедээ тохирсныг сонгож чадсан байлаа. Хар эмжээртэй түксидө пиджак, мөн хар лакан гутал нь үнэхээр чамин байлаа. Харин шил нь бага зэрэг анхаарал сарниулж байна. (Хэд хэдэн залуучууд хэтэрхий урт өмд өмссөн байсан.)

Эршүүд стиль буюу Annie Hall стиль өөртөө итгэлтэйн шинж. Эмэгтэй хүн заавал секси байдлаараа зэвсэглэх гэж дайрах хэрэггүй. Нууцлаг, үргэлж сонирхолтой байх тусмаа ухаалаг, үнэтэй харагддаг.

Цэвэрхэн, натурал= Дажгүй. Өөрийнхөө биеийн хэлбэрт тохируулж хувцасласан байна. Хөл, мөр гээд сайхан хэсгүүдээ тодруулж харуулсан загвар сонгожээ. Хэт будсан бүсгүйчүүдийн хажууд эрс ялгарч харагдаж байлаа. Бүсгүйчүүдийн хамгийн том алдаа бол хэтэрхий хичээсний дүнд хэтрүүлж будах. Ялангуяа бөөн пудр гялалзах онц биш.

Классик = Дажгүй. Ашгүй зарим нь ч гэсэн олон жил амьсгалсан Хип Хоп стилээсээ салж байх шиг байна. Хип Хоп бол хамгийн хямд харагдуулдаг, өмсөхөд хэцүү, ялангуяа монголчуудад ( Азиудад) хамгийн зохидоггүй стиль.

Lemons. Монголдоо хамгийн стилтэй залуучуудын хамтлаг. Хувцасны хэлбэр, хослол, өөрт юу зохихоо бүгд маш сайн мэддэг.

Neutral:


Сонирхолтой л юм. Янз бүрийн өөр урсгал орж ирнэ гэдэг хөгжиж буйгийн шинж гэж боддог. Хэдэн жилийн дараа энэ стилээ арай формал болгож сурна биздээ.

Трэнч цув энгийн үед сайн сонголт ч, энэ удаа хэтэрхий жирийн харагдсан. Гэхдээ ямар ч байсан нэг их хол зөрсөн буруу харагдаагүй. Тэр нь трэнч цувны гол ид шид. Харин силк, сатин ч юмуу гоёлындуу материалтайг сонгосон бол илүү арга хэмжээндээ тохирсон байх байлаа.

Секси гэж хамгийн бага материал орсон плате дээр, хамгийн өндөр өсгийтөө өмсөнө гэдэг түгээмэл ойлголт боловч заавал тийм байх албагүй. Өөр олон аргаар, ухаан зарж секси-г илэрхийлж болно. Гэхдээ тийм ч муугүй ээ. Залуу насандаа тохирсон байна.


Классик хувцас орчноосоо, мөн юутай хослуулснаас хамаарч заримдаа уйтгартай болох гээд байдаг.Яг ийм урттай мини бол харьцангуй өмсөхөд хэцүү загвар. Мөн биений өнгөтөи трико их овортой харагдуулдаг, ялангуяа мини юбкатай хослохоороо. Хар трико, хар цамц өмссөн бол минигээрээ акцент болгох байлаа. "Бүсгүй заяа" клипэнд дан сул цагаан цамц өмссөн нь бусад нэгэн хэвийн хувцаслалтаас ялгарч харагдаж байсан шүү.


Worst:


Энэ загвар улам том цээжтэй харагдуулж байна. Ер нь цээжиндээ акцент өгөх онц биш. Ялангуяа тодорхой нас өнгөрсөн, загвар өмсөгч шиг биетэй биш л бол ингэж цээжээ ил гаргах ч юмуу, акцент өгсөн хувцас онц биш. Мөн плате, цүнхний өнгө тохирсонгүй. Логотой цүнх бүх хувцасан дээр зохидоггүйн жишээ.


Арга хэмжээ, насандаа тохируулж хувцаслах бас л хувцаслалтын соёлд тооцогдоно. Хэтэрхий залуу хувцас сонгожээ.


Хэт их саа, чимэгтэй хувцас өмсөхөд хэцүү хувцаснуудын нэг. Ялангуяа модел шиг биетэй биш бол, биеийн өөг тодотгож харуулдаг.


Овоолсон үс, унжсан ээмэг, урт зүүлт, дотуур цамцны тод эмжээр, өвдөгнөөс доогуур өмдний пропорц, өмдний эмжээр гээд анхаарал татах элемент хэтэрхий их орсон тул, гол акцент хаана байгаа нь мэдэгдэхгүй, замбараагүй харагдаж байна.


Нүд, уруулаа зэрэг тод будаад, цээжээ ил гаргах рисктэй хувцаслалт. Нүд, уруул хоёрынхоо аль нэгийг нэгнээс нь тодруулж будвал арай дээр байлаа. Харин платены өнгө аятайхан зохисон байна.


Энэ хээний пропорц буруу байна. Буруу газраа акцент өгсөн, хэтэрхий нүд эрээлжилсэн хээ байна. Хүний анхаарлыг хэтэрхий доошоо хандуулах нь хямд, бас намхан харагдах аюултай. Мөн энгэр дэх дугуй детайл, саа зэрэг нь, хэтэрхий анхаарал татсан хээтэй, платены урт зэрэг элементүүдтэй харшиж байна. Гэхдээ гурвуулаа ижилссэн нь дажгүй байлаа.

45-тай гэмээр хувцаслажээ. Хэд хэдэн залуу зүүсэн байсан ч харанхуйд хар шил тийм ч зохимжтой биш.

Зургыг сонин.мн, сүүдэр.ком-с.