10/4/09

Introducing Alexander Wang & Vena Cava

Alexander Wang & Vena Cava for GAP 2009 коллабрэйшн - Танилцуулж байна


Сүүлийн үед дизайнер брэндүүд масс дэлгүүрүүдтэй хамтран коллекц /коллабрэйшн/ гаргах болсон. Жишээлбэл Roberto Cavalli H&M-д зориулж гэх мэт. Ингэснээр зөвхөн цөөн хязгаарлагдмал хүрээнийхэнд зориулсан эдгээр дизайнер брэндүүдийн загварыг энгийн хэрэглэгчид хэрэглэх боломжтой болж буй хэрэг юм.

Хамгийн сүүлд 2009 онд Gap брэнд, Vogue сэтгүүл CFDA-ээс хамтран нэгэн шинэ коллекцийг энэ оны намрын загвар болгож танилцуулсан юм. CFDA нь "Council of Fashion Designers of America" ( Америкийн дизайнеруудын холбоо) гэсэн үгний товчлол бөгөөд жил бүр загварын ертөнцийн шилдгүүдийг шалгаруулдаг. Уг шагналыг авсан дизайнер өөрийн чансаагаа тодорхойлж, дэлхий даяар тухайн дизайнерийг мэддэг болж, хувцасны эрэлт нь эрс өсдөг. Өөрөөр хэлбэл энэ шагнал загварын ертөнцийн оскар юм. Vogue сэтгүүл уг холбооны албан ёсны хамтрагч бөгөөд дизайнерүүдийг сүүлийн шалгаруулалтанд үлдсэн цагаас мэдээлж дэлгэрэнгүй сурвалжлага хүргэдэг.


Vogue сэтгүүл, CFDA нар Gap брэндтэй хамтран 2009 оны "Шилдэг эмэгтэй хувцас" номинацад шалгарсан Alexander Wang, мөн урд жилүүдэд хоёр ч удаа шилдэг 10-т багтаж байсан Vena Cava брэндүүдийн загварыг олны хүртээл болгосон юм. Уг коллекц нь "Khaki" буюу "бейж" гэсэн сэдэвтэй. Gap бол өдөр тутмын биед эвтэй, сайн чанарын даавуун болон натурал материалтай хувцсаараа олны танил болсон брэнд билээ.


Alexander Wang

Alexander Wang supermodel Caroline Trentini-n хамт Vogue сэтгүүлд

Alexander Wang Калифорны Сан Франциско хотод төрж өссөн бөгөөд 18 тайдаа New York-д их сургуульд сурахаар ирсэн боловч сургуулиа төгсөж амжилгүй, цөөн тооны ноосон цамцаар эхэлсэн коллекц нь удалгүй олны анхаарлыг татах болж, бүрэн хэмжээний коллекцоо New York-н албан ёсны загварын шоунд танилцуулах болсон. Тэрээр хэдийгээр дөрөвхөн жилийн өмнөөс эхэлсэн ч өнөөгийн Америкийн загварын ертөнцийг тодорхойлох шилдгүүдийн нэг болж чадсан байна.

Ид 25 настай, цэвэрхэн цагаан царайтай, хүүхдийнхүү гэмээр төрхтөй Alexander Wang-н загварууд хурц, шинэлэг, гранж рок стилийг тун ухаалгаар донжыг нь тааруулж секси стилтэй хослуулсан байдаг. Түүний хувцас нь моделуудын дүрэмт хувцас гэгддэг бөгөөд, ихэвчлэн гудамжны гэмээр стилийг гайхалтай донжтой илэрхийлдэг.

Alexander Wang брандын хувцасыг залуу холливууд ( Rihanna, Lindsay Lohan, Mischa Barton)- аас эхлээд бүх моделууд ( Erin Wasson, Natalia Vodianova, Freja Beha), мөн нэртэй блоггерууд өмсдөг.
Түүний гол олонд танигдсан загварууд бол гранж рок стилийг секси стилтэй хослуулсан мото жакет, мөн бариу плате, торгон цамц, платенууд зэрэг юм.

Тэрээр GAP-д зориулж өөрийн нэрд гарсан загварууд болох урт богино хоёр загварын гадуур трэнч цувыг классик беиж өнгөөр хийжээ. Түүний жижиг детайлд хэрхэн нямбай ханддагыг та дараах загваруудаас харах болно.

Өөрийн студидээ



SuperModel Coca Rocha, Raquel Zimmerman нарын хамт,
GAP-д зориулсан загварын сурталчилгаанд


Богино "Motocycle" стилийн гадуур хүрэм

Уртавтар тренч стилийн цув



Vena Cava


Lisa Mayock, Sophie Buhai нар Supermodel Caroline Trentini-н хамт Vogue сэтгүүлд


Lisa Mayock, Sophie Buhai хоёр 1999 онд оюутны ширээнд танилцжээ. Хуучны фэйшнд ( 20,30,40-оод он г.м) дуртайгаараа санаа нийлж удалгүй сайн найзууд болцгоосон байна. Тэд хамтдааа 2003 онд сургуулиа төгсөөд брэндээ эхлүүлсэн бөгөөд тун удалгүй хөнгөн, торгомсог, өвөрмөц хээтэй, чамин платенууд нь бүх л сэтгүүлүүдээр гарч, дээд зэрэглэлийн их дэлгүүрүүд ( Barney's New York, Saks Fifth Avenue, Neiman Marcus) болон бутикүүдээр хувцасыг нь худалдаалж эхэлсэн юм.

Гэхдээ тэд амжилтанд хүрснээ Vogue-н төмөр хадагтай гэгдэх Anna Wintour ( Devil wears Prada кинонд Meryl Streeps-н бүтээсэн дүр) өөрийн биеэр тэдний студид хүрэлцэн ирэхэд анх мэдэрсэн гэж ярьдаг. Vena Cava-н хувцас нь 20,30,40-д оны загварыг санагдуулам классик атлаа чамин, хээнцэр.
Тэдний загварын хувцаснууд "Gossip Girls" сериалд гарснаар зөвхөн фэйшны хүрээнийхэн бус, сая сая жирийн хүмүүс мэдэх болсон.

Дизайнер бүсгүйчүүд өөрсдөө ч үргэлж чамин, элегантны хувцасладаг, ухаалаг сайхан бүсгүйчүүд байдаг. Тэдний GAP-д зориулсан загварууд худалдаанд гарсан дороо загварын ертөнцийг шуугиулж, Холливууд-н одууд болох Nicky Hilton , дуучин Fergie нар авч өмсцгөөсөн. GAP-д зориулж цахилгаантай болон шулуун бариу (шифт) загвартай нийт хоёр төрлийн плате зохиосон бөгөөд тэдгээр нь өдөр тутам болон оффист өмсөхөд тохиромжтой, бүх төрлийн өнгө, загвартай тохирохоор, хэзээд моодноос гарахааргүй классик загвартайгаараа онцлоготой.



Sophie Buhai, Lisa Mayock нар өөрсдийн брандын хувцастайгаа



Lisa, Sophie хоёр supermodelуудын хамт


Nicky Hilton

Fergie


Солонгосын нэгэн сериалд



Ле Бутик дэлгүүр Монголд анх удаа дизайнер коллабрэйшн-г танд хүргэж байна. Цаг үетэйгээ хөл нийлүүлж алхахыг хүсвэл Ле Бутик дэлгүүрт хандаарай.

9/16/09

Le Boutique Giveaway Дүн


Нийт оролцогчиддоо баярлалаа. Азтанг санамсаргүй тохиолдлийн аргаар сонгосон болно.

Дараах уншигчид азтанаар тодорсон байна:
  • Nyamsuren Tserenrinchin
  • Selengesaikhan Tamir
  • E. Suvd
  • Bayartungalag.G
  • Lhagvajav Narantuya
  • Sainzaya Es-Oldokh
  • Dulamsuren Ganbaatar
  • Adiyasuren Erdenbileg
  • Burentogs Gansukh
  • M.Onormaa
Танд шагналаа хэрхэн авах талаар зааварчилгаа бүхий и мэйл 2 хоногийн дотор очих болно.

Энэ удаагийн арга хэмжээнд оролцсон манай сайтны бүх уншигчиддаа дахин баярлалаа.

9/11/09

Jane Birkin

Jane Birkin

Энэ удаа та бүхэнд амалсан ёсоороо францын жүжигчин Charlotte Gainsbourg-н тухай хүргэх гэж бодлоо. Тэрээр энэ оны Канны кино наадамд "шилдэг эмэгтэй жүжигчний" шагнал авсан билээ. Харин Charlotte-г танилцуулхаас өмнө түүний ээжийн тухай дурсахгүй өнгөрч болохгүй. Тиймээс энэ удаа түр Charlotte-г хойш нь тавиад, ээжийнх нь талаар ярилцая. Түүний ээж нь Францын алдарт жүжигчин, дуучин Jane Birkin юм.


Уг нь англиас гаралтай боловч одоо ч францын хамгийн том оддын нэг гэгддэг. Тэрээр 60-аад оны франц төдийгүй дэлхий дахиныг шуугиулж явсан бөгөөд Францын алдарт дуучин, жүжигчин, найруулагч, хөгжмийн зохиолч Serge Gainsbourg- тэй хамтран дуулсан " Je t'aime... Moi non plus" дуугаараа гарч ирсэн бөгөөд Serge Gainsbourg- тэй сууж Charlotte -г гаргасан юм. Serge Gainsbourg 1968 онд уг дууг тухайн үед үерхэж байсан Brigitte Bardot-н хамт дуулж бичүүлсэн ч удалгүй салж Brigitte Bardot түүнээс уг дууг нийтэд түгээхгүй байхыг хүссэн гэдэг. Ингээд өөр эмэгтэй дуучин хайж байгаад таарсан нь Jane Birkin бөгөөд удалгүй тэд хос болсон юм. Тухайн үеийн хамгийн цуутай хосын хамтран дуулсан эрoтик өнгө аястай дуу маш их шуугиан тарьж хэд хэдэн оронд хориглогдсон гэдэг. Уг дууг анх "Femmes de Paris" гэдэг 60-аад оны коллекц CD-нээс сонсч байлаа.


Jane Birkin- ий хувцаслалт тухайн үедээ нилээн шуугиан тарьж олон бүсгүйчүүлийг дагуулсан гэдэг. Ялангуяа эгэл жирийн цагаан футболк, жинсэн дээр сагсан цүнх хослуулсан нь ихэд моод болж классик франц стиль гэгдэх болсон. Мөн хар мини плате, өтгөн чёлктой урт үс нь гайхалтай зохицож 60-аад оныг тодорхойлох стилийн нэг болж үлдсэн юм. Jane Birkin- ий стилтэй гэгддэгийн нууц нь залуу сайхан тусмаа элдвийн нүсэр, саа чимгээс татгалзаж, өдөр тутмын, классик загварын хувцасыг залуу нас, өөртөө итгэлтэй байдлаараа чимж амилуулсанд байдаг болов уу.

Ер нь залуу хүн хэт их мөнгө зарсан юм шиг нүсэр гоёлоор гоёх тэр бүр эрүүл харагддаггүй. Харин аятайхан, биеийнхээ хэлбэрт тохирсон сайн чанарын плате ч юмуу юбка хамаагүй гэгээтэй харагддаг. Ялангуяа монгол охидуудын зураг харахаар нүсэр нүсэр хар шил, унжсан ээмэг хоёрыг зэрэг зүүчихсэн байдаг. Нүдний шилний хувьд манайхан гадныхантай харьцуулахад өндөр шанаа, хамрын яс жижиг талруугаа болохоор тохирох шил тэр бүр олддоггүй. Тэгээд л шанаанд нь тулчихсан, хамарт нь тогтохгүй шилтэй явж харагддаг. Том шил зүүхийг буруу гэсэнгүй. Гол нь нүүрнийхээ хэлбэрт тохирсныг зөв хэрэглэж сураасай. Нилээн сэдэвээсээ хазайчихлаа.


Jane Birkin залуудаа алаг нүд, урт хөл, урт үс, өтгөн чёлктой, энгийн атлаа дэгжин хувцаслаж загварын ертөнцийг ч шуугиулж явсан. Тансаг брэндүүд дотроо ч нилээн үнэтэйд тооцогдох Hermes (Эрмс) брэнд түүнд зориулж хийсэн загвараа нэрээр нь "Birkin" гэж нэрлэсэн. Уг цүнх нь одоо ч тансаг хэрэглээний оргилд тооцогддог бөгөөд авахыг хүсвэл захиалга өгснөөс хойш 2 жил хүлээж байж авдаг, мөн тэр болгон дурын хүнд зарахыг хүсдэггүй , зөвхөн алдар нэртэй, хийсэн бүтээсэн зүйлтэй, биеэ сайхан авч явдаг хүнд зарахыг эрхэмлэдэг гээд л үлгэр домог шиг яриа сонсогддог. ( диет, гоо сайхны талаар хөгжилтөй эсээ их бичдэг Японы зохиолч Хаяши Марико-н эсээнээс энэ тухай уншиж байсан юм. ) Уг цүнх нь 5000 доллараас эхэлдэг бөгөөд материалаасаа шалтгаалан хэд дахин үнэтэй ч байдаг.


Jane Birkin одоо ч энд тэндхийн сэтгүүлд байнга харагддаг, мөн уран бүтээлээ ч үргэлжлүүлсээр байгаа. Сүүлийн үед ихэвчлэн хар, саарал ноолууран цамц, өргөндүү жинс эсвэл шулуун хар хөх жинс, конверс кетийг Hermes (Эрмс)-н цүнхтэйгээ хослуулсан харагддаг. Тэр нь ч өөртөө итгэлтэй чамин харагдаж байсан. Уг нь түүний насны эмэгтэй амилуулахад хэцүү стиль боловч тэр их алдар нэр, эд хөрөнгөнд авталгүй өөрийнхөөрөө байгаа нь таалагддаг. Түүний охид болох Charlotte Gainsbourg, Lou Doillon хоёр мөн л стилтэй гэгдэж өнөө үеийн францыг төлөөлдөг. Дараа долоо хоногоос тэдний тухай бичих болно.


Jane Birkin style

In Little Black Dress


With Serge Gainsbourg

Two for the road...


Хар мини платетай ч сагсан цүнхтэйгээ.


Гурвалжин захтай цамц, конверс кет, Эрмс цүнхтэй.

Бага охин Lou Doillon-ы хамт.

Охидын хамт.


Уг дууны линкийг тавилаа. Эндээс Jane Birkin, Serge Gainsbourg хоёрын залуу цагийн бичлэгийг үзэж болно.


8/2/09

Vacation...








Model: Gemma Ward & Josh Hartnett
Magazine: US Vogue

7/18/09

A girl like you...


Саяхан нээж олсон зурагчин Кава Горна-н зургаас хүргэж байна. Сэтгэлд дотно, дулаахан, зөөлөн зурагнууд нь таалагдлаа.









Photo: Kava Gorna

kavagorna.com