Chanel Party

Саяхан Chanel -н зохиосон хүлээн авалтын зургуудаас хүргэе. Энэхүү арга хэмжээнд уригдсан бүх зочид chanel-н хувцасаар гоёсон юм. ер нь иймэрхүү брэндээс зохиож буй арга хэмжээнд тухайн брэнд өөрийн шилдэг үйлчлүүлэгчид болон нийгэмд хамгийн өндөр байр суурь нэр хүндтэй оддыг урьж, зочин тус бүрийг хувцаслах санал тавьдаг.Ингээд зочид өөрт таалагдсанаа сонгож өмсөн party-нд ирдэг. Мэдээж зохион байгуулагчийн зүгээс зочдын хувцас давхардахгүй байх талаар санаа тавина.Ингээд хэн ямар стилийг сонгосныг харцгаая.


Моодонд ороод байгаа өргөн өмдөө цагаанаар сонгосон нь хөнгөн, цэвэрхэн харагдаж байна. Өргөн өмдөн дотор сорочк хийж өмссөн нь авууштай санаа болжээ.Ингэж цамцаа дотор нь хийж өмссөнөөр хөл урт харагддаг ч намхан хүмүүст бол улам намхан харагдуулах магадлалтай. Гол нь нэг өнгөөр ижилсүүлвэл илүү риск багатай.Мөн бэлхүүсэндээ сэтгэл дундуур явдаг бол энэ хувцаслалт бэлхүүсийг тодотгож өгдөг тул нэг их тохиромжтой хувцаслалт биш. Цагаанаар суурьлан хараар акцент оруулсан нь классик болов ч өргөн өмд, Tuxedo стилийн пиджак нь сүүлийн үеийн тоодыг илтгэн донжтой харагдуулж байна.

Ellen pompeo-

Цамц, үсний засалт нь наснаас нь хөгшин харагдуулж байна. (39 настай) Мөн цамц юбка нь хамтдаа тохиромж муутай харагдаж байна. Энэ юбкан дээр
- Хар шиффон урдуураа бантик-лаж уядаг кофт
- Хар spaghetti strap буюу нарийн мөртэй майк
- tanktop буюу спорт хэлбэрийн торгон хар( эсвэл хар хөх, цагаан) майк
гэх мэтйг хослуулсан бол илүү дээр харагдах байсан болов уу.
Мөн гутал нь хэт хүнд харагдаж байна.Оронд нь урдуураа онгорхой цэвэрхэн туфли өмссөн бол юбка-аа тодруулж өгөх байлаа. 2007 оны намрын моод болох бээлий ч энэ хувцасны хувьд сайн сонголт болж чадсангүй.

Gossip girls tv-н цувралаараа олны анхаарлыг татаад буй залуу жүжигчин blake lively.(21настай) Энэ платьений хувьд наснаас нь овортой харагдуулсан сонголт болжээ.

Супермодел christy turlington нөхөр ed burton-ий хамт. Хөл,мөр зэрэг давуу талуудаа тодотгож хувцаслажээ.

Модел Erin wasson. 60-аад оны hippie стиль. толгойны аксесуараа ч мартсангүй.

Мөн л 90-ээд оны Супермодел helena christensen. Хөлөө тодотгон харуулжээ.Ийм open-toe буюу урдуураа онгорхой туфль сүүлийн үеийн шилдэг сонголт болоод байна.

Модел Hana Soukupova

Save the last dance киногоороо хоногшсон жүжигчин Julia Stiles. Элегантны харагдаж байна. Улаан бол хэзээд акцент болж өгдөг өнгө.

Жүжигчин Kate Mara. Мөн л 2007 оны хит болох гялалзсан чимэгтэй платье сонгожээ. Энэ бол энгийн бидэнд хэрэглэхэд хамгийн хэцүү моод. Нэг буруу эргэвэл хэт овортой, эсвэл хэт залуу харагдах гээд байдаг. Мөн Лас Вегас-т жилд ганцхан өмсөх шанстай. Хэрэглээ багатай. Бага зэрэг хэмжээгээр аксесуарандаа оруулбал зүгээр.

Супермодел Liya Kebede. Трико, гутлаа ижилсүүлснээр урт хөлтэй харагдаж байна. Жижиг цайвар цүнх нь бүхэлдээ хар хувцсанд нь акцент болж өгчээ.

Торгон кофт, богино юбка, туфли зэрэг эмэгтэйлэг хувцас сонгон, зангиагаа акцент болгон хэрэглэж эршүүд уур амьсгал оруулж өгчээ. Эсрэг элемэнтүүдийг амжилттай хэрэглэсэн жишээ.

Жүжигчин Selma Blair. Үсний засалт нь бусдаас эрс ялгаран, өөртөө итгэлтэй өвөрмөц харагдуулж байна. Платье ньч насанд нь тохирсон сайн сонголт болж чаджээ.

Баруун талын бүсгүйн энэтхэг стилийн өмд 2007 оны намар зарим дизайнерууд нилээн хэрэглэсэн моод. Гэвч энгийн хүмүүс өмсөхөд хэцүү. Харин тэрээр гуталтайгаа маш зөв хослуулжээ. Бусад хувцас нь энгийн тул өмд нь хамгийн түрүүнд анхаарал татаж байна. Зүүн талын бүсгүйн суурь өнгө хослуулсан хувцаслалт ч стильтэй харагдаж байна. Тэгээд ч хар, цагаан бол chanel-n хамгийн их хэрэглэдэг үндсэн өнгө юм.

Дизайнер Tory Burch 2008 оны хаврын моод болох ягаан өнгийн платьетай. Удахгүй хаврын загвар болон, ягаан өнгө хэрхэн хэрэглэх талаар танилцуулах болно.

MisShapes хамтлагийн DJ Leigh Lezark сүүлийн үеийн хамгийн стильтэй одуудын нэгт зүй ёсоор орно. Түүний стилээс ч мөн дэлгэрэнгүй хүргэх болно.