Fashion Mongolia: August 2010

8/31/10

8/20/10

I like...

1. Фэйшн сэтгүүлүүд ( ялангуяа шинэ гарсан авангард, инди чиглэлийн)

2. Хээтэй трико

1. гүзээлзгэний үнэртэй вазелин (Rosebud)

2. Натурал өнгийн тосон тень ( Benefit, Vincent Longo)

3. Улаан уруулын будаг ( Nars)

4. энгийн мөнгөн бөгж

5. Хөгжилтөй энгэрийн зүүлт

6. Шинэ сезоны моодонд орсон лак : энэ оны хамгийн хит 2 өнгө: Номин ногоон, саарал)

( American Apparel)

7. нүдний тосон харандаа : Хар/ улаан хүрэн/ бор) ( Revlon)

8. Stella McCartney үнэртэй ус

9. нүүр чийгшүүлэгч mist. ( Усан үзэм найрлагандаа ашигладаг органик франц брэнд Caudalie)

10. энгийн нүүрний тос ( Clinique)

11. Саатай шингэн чийгшүүлэгч пудр. ( Laura Mercier)

1. Rolling Stone сэтгүүл

2. Beatles

3. R.E.M хамтлаг

4. Мөнгөн пүүз: Авангард дизайнер Hussein Chalayan-ы Puma-д зориулсан коллабрэйшн загвар. ( Ле Бүтик )

5. "Whip it" киноны soundtrack ( найруулагч Drew Barrymore)

6. "Virgin suicides" киноны soundtrack ( найруулагч Sofia Coppola)

7. Bjork + Nylon сэтгүүл

1. Торгон, хээтэй плате : Elle сэтгүүлийн эрхлэгч байсан 3 бүсгүйн гаргасан брэнд Aka New York ) ( Ле Бүтик)

2. судалтай даавуун футболк: Gap ( Ле Бүтик)

3. Хар туфли ( Balenciaga)

4. Хүүхдийн зурагтай ном + Польш/ Америк алдарт зураач Maurice Sendak

( саяхан энэ номоор нь кино хийсэн)

5. Сул уусмал өнгийн нимгэн оймс: Cynthia Rowley ( энгийн туфли, сандаалны акцент болгож)

6. энгийн ширэн натурал өнгийн бүс (Gap)

7. Торгон, хөгжилтөй хээтэй алчуур: энгийн хувцасны акцент болгож.

8/19/10

Энэ оны хамгийн том моод бол Минимализм билээ. Эдийн засгийн хямралтай холбогдуулан дизайнерууд хоорондоо эрс хуваагдан, нэг хэсэг нь ганц улирлаас илүү хадгалахаар классик, энгийн загваруудыг сонгосон бол нөгөө хэсэг нь аль болох импакттай, хурц, хөгжилтөй загваруудыг барьж авсан. Минимализм буюу энгийн, классик чиглэлийг хошуучилж яваа брэндүүдийн нэг бол Францын Celine юм. Хэдэн жилийн өмнө Шанел шиг хуучин, тоосонд дарагдсан, ихэвчлэн ахимаг насныхны хэрэглэдэг брэнд байсан бол 2009 онд 2000-аад оны эмэгтэй дизайнеруудын пионер болох Phoebe Philo ( Фиби Фило) -г дизайнераараа сонгосноор эрс шинэ, залуу, классик хэрнээ уйтгартай бус загварууд ар араасаа төрөн гарч, фэйшн ертөнцийг байлдан дагуулж энэ оны шилдэг шинэ имижтэй брэндүүдийн нэг болоод байна.

Тэрээр 1997 оноос Chloe брэндийн дизайнераар ажиллаж, логогүй брэнд цүнхийг дэлгэрүүлэхэд том хувь нэмэр оруулсан юм. Мөн кукла стилийн сул бэлхүүстэй плате, үргэлж ултай платформ, өндөр суулттай жинс гээд нэг хэсэг гудамжинд 10 бүсгүйн 5 нь өмсдөг байсан хувцаснуудыг хит болгосон юм. Энэ үед Холливүүд-н Кристин Данст, Клоэ Севини гэх мэт залуу, күүл, вкустэй гэгдэх одод бүгд л Chloe өмсч харагдах болсон. Phoebe Philo 2006 оны эхээр гэр бүл, хүүхэдтэйгээ цагыг өнгөрүүлэхээр амралтаа авсан байсан ч энэ оны хавар/ зуны загвараар албан ёсоор эргэн ирлээ. Түүний Celine- д зориулж зохиосон шинэлэг минимализм загварууд Фэйшн сонирхдог бүсгүй бүрийн хүсэл мөрөөдөл болоод байна. Анхнаасаа Минималист байсан над шиг хүмүүст бол өмсүүштэй, баярлууштай загварууд эргэн ирж байна. Ашгүй олон жилийн андуурсан, зохьсон, зохиогүй моодноос түр ч гэсэн завсарлаж энэ онд бүсгүйчүүд бид биед эвтэй, цэвэрхэн хувцасаар амьсгалах нь.

Тэрээр "Би өөрөө өмсөж чадахааргүй хувцас хийдэггүй" гэж Англи Elle -н энэ оны 9 сарын дугаарт өгсөн ярилцлагадаа хэлсэн байсан. Түүний загварууд өндрөөр үнэлэгдэж буйн гол нууц энд л байгаа байх. Эрэгтэй дизайнерууд заримдаа шоконд орохоор загварууд зохиочхоод миний загварыг хэрийн бүсгүй амилуулж чадахгүй гэж ярьдаг. Арга ч үгүй биз, хэрийн бүсгүйчүүдэд тийм бие, зориг, амьдрал байх биш. Бодит амьдрал дээр бүсгүйчүүд бид өдөр бүр үсээ буржийлгаж, үдэшлэг хэсэх биш, өглөө босоод ажилдаа явцгаадаг. Өглөө босоод өмсөхөд сайхан харагдах энгийн хэрнээ чамин хувцаснууд ямар ч эмэгтэй хүний хувцасны шүүгээний гол суурь, фундамент байж дор хаяж 70 хувийг эзлэх ёстой.

Харин эмэгтэй дизайнерууд өөрсдөө өмсөж, туршиж үзэх боломжтой болохоор ч тэрүү ихэвчлэн эмэгтэй хүн юу хүсдэгийг, яг юунд түрийвчээ нээдгийг маш сайн мэддэг. Тиймээс ч сүүлийн үед Фэйшн гэдэг ёлк шиг гангалахдаа биш, өдөр тутмын амьдралд сайхан харагдах гэдгийг ойлгосон эмэгтэй дизайнерууд хүчтэй төрөн гарч, өндрөөр үнэлэгдэж байна. Ингээд та бүхэндээ энэ оны минимализмийн эхлэлийг тависан гэж болох Celine-ий хавар/ зуны загвараас хүргэе.