Fashion Mongolia: October 2008

10/26/08

10.000₮ купон

Ле бутикийн тусгай купон

Ле бутик нь манай сайтын хэрэглэгч хүүхнүүдэд тусгайлан зориулж 10.000₮ хямдралын купон түгээж байна. Тус бутик нь АНУ-с нэр хүндтэй фирмүүдийн бэлэн хувцасыг сонгон үйлчүүлэгчиддээ санал болгодог ба манай сайтын үйл ажиллагааг үргэлж дэмжиж байдаг билээ.

Та уг купоныг авах хүсэлтээ манай fashion_mongolia@yahoo.com хаягаар ирүүлж бүртгүүлэх ёстой ба үүний тулд өөрийнхөө талаарх товч мэдээллээ /1. Овог нэр, төрсөн огноо 2. Одоо эрхэлж буй ажил, утасны дугаар 3. Дуртай өнгө, хувцасны размер /XS, S, M, L, XL, XXL/ хавсаргана уу. Бид таны хүсэлтийн дагуу уг купоныг имэйл хаягаар тань илгээх болно.
Дэлгэрэнгүйг купоноос харна уу.

10/14/08

Монгол охин Teen Vogue сэтгүүлийн уралдаанд

Teen Vogue сэтгүүл бол Vogue сэтгүүлээс өсвөр насныханд зориулж гаргадаг бөгөөд сэтгэмж, стил сайтай сэтгүүл юм. Зөвхөн өсвөр үеийнхэн гэлтгүй хэрэгжүүлхээр санаа их байдаг. Та бүхэн ч урьд нь манай сайтаас Teen Vogue-н фото editorial харж байсан байхаа.

Сэтгүүлийн 11 сарын шинэ дугаарт уг сэтгүүлээс зарласан стил сайтай охин шалгаруулах тэмцээнд монгол охин шилдэг 10-т шалгарсан байна. Тэр охины нэрийг Тэргэл гэдэг бөгөөд 16 настай, New York хотод амьдардаг юм байнa. Эхний 10-д шалгарсан тул зураг нь сэтгүүл дээр тавигдсан ба уг тэмцээнд цааш үргэлжлэн оролцох эрхтэй болжээ.

Тэрээр өөрийн стилийг тодорхойлохдоо "цэвэрхэн, эсгүүр сайтай хувцас өмсөх дуртай" гэжээ. Мөн "би зурагчин болохийг хүсдэг тул аппаратаа байнга авч явдаг. Хувцас өмсөхдөө зураг шиг л бодож өмсдөг. Гэхдээ ямар нэгэн өвөрмөц аксэсүар заавал хослуулдаг. Мөн эрэгтэй стилийн хувцас их өмсдөг. Жишээ нь жилет-г эгэл жирийн платетай ч юмуу, нэлмэгэр ноосон цамцийг жинстэй ч юмуу" гэжээ.

Ингээд Тэргэлдээ амжилт хүсье! Та бүхэн доорхи хаягаар орж, бүртгүүлээд саналаа өгөөрөй.

Хэрэв тэр ялагч болбол уг сэтгүүлд зургаа авахуулах эрхээр шагнагдах бөгөөд Teen Vogue сэтгүүлд зураг нь тавигдсан анхны монгол охин болохнээ.