11/10/07

Roberto Cavalli for H&M

2007.11.8 Пүрэв гариг.
Алдарт дизайнер Роберто Кавалли-н H&M -д зориулсан коллекц Америк болон европын орнуудад нээлтээ хийлээ. Хүмүүс өглөөний 3 цагаас эхэлж оочерлон дэлгүүр нээгдэхэд уралдан орж Cavalli-н коллекцыг шүүрэн авцгааж байлаа. Ихэнхи дэлгүүрүүд эхний 10 минутын дотор зарж дуусгасан бөгөөд нээгдсэнээс нь 2 цагийн дараа ирсэн хүмүүс трико, турсик гэх мэт юухан хээхнийг л олж урамгүй буцацгаасан байна. Жил бүр H&M-н дизайнертай хамтарсан коллекц сенсаци тарьдаг ч энэ жилийнх хамгийн хурдан зарагдаж дууссан коллекц байлаа. Би нээлт хийсний маргааш өглөө нь очтол гадаа цонхон дээрээ томоос том улаан өнгөөр Sold Out гэж бичсэн байлаа. Урьд жилүүдийн Stella McCartney, Viktor&Rolf-н коллекцоос гар хоосон буцаж үзээгүйн хувьд их л шоконд орлоо. Үнийн хувьд нилээн үнэтэй, зарим платье нь $349 байсан юм.


11/4/07

Basic rule - 2

Лого-ны тухай. ( Лого гэж тухайн брэндийг илтгэсэн симбол дүрс. Брэнд бүр логотой байдаггүй тул зарим нь зүгээр брэндийн нэрээ бүтнээр нь биччихдэг)

Лого бол хэрэглэхэд хамгийн рисктэй зүйлсийн нэг. Хамгийн их түгээмэл байдаг нь янз бүрийн брэндийн нэртэй футболк. Ийм футболк шиг эмэгтэй хүнийг унтраадаг зүйл ховор. Танд мөнгө төлөөгүй л бол ямар нэгэн брэндийн амьд сурталчилгааны самбар болоод байх шаардлагагүй.

Gucci ч байна уу, Gap ч байна уу, би энийг тэдээр авсан гэж зарлаж байгаа юм шиг үйлдвэрлэгчийнх нь тухай зарлаад байх онц биш. Яг л хувцасны ярликаа ил гаргаад явж байгаа юм шиг. Стиль гэдгийг худалдаж авч болдоггүйн тод жишээ л дээ. Манай монголчууд бол ялангуяа Bebe, Abercrombie-н логотой футболк их өмсч харагддаг. Ер нь футболк их хямд харагддаг. 20 гарсан бол элдэв футболк өмсөөд байх нь зохистой биш л болов уу. ( simple хар цагаан футболкийг хэлээгүй шүү)

Гол нь Лого их анхаарал сарниулдаг. Тухайн хүний ерөнхий стиль, уур амьсгал (aura) нь өмсөж буй эзнээ илэрхийлдэг байтал логотой хувцас руу нь шууд анхаарал сарниад ерөнхий байдлыг илтгэхэд саад болдог.
Тохируулж зөв хэрэглэж чадвал бага зэргийн лого бол хувцаслалтанд акцент өгдөг. Бага зэргийн гэдэг нь алчуур, бүс, нүдний шил зэрэг аксесуар тал руугаа хамаарна. Гэхдээ ингэж зөв дозоор тохируулж чаддаг хүн ховор. Итали хүүхнүүд брэндийг өөртөө тохируулж хэрэглэхдээ хамгийн сайн. Simple, sexy хувцасан дээр бага зэргийн spice болгож хэрэглэдэг.

Дараагийнх нь цүнх. Ялангуяа түгээмэл байдаг нь Louis Vuitton, Coach-нх. Ерөнхий хувцаслалтаа өөрийнхөө биед тохируулж чадаагүй, буруу зүйл сонгосон мөртлөө ийм брэнд цүнхтэй хүмүүсийг харахаар буруу юманд мөнгөө зарсан санагдаад байдаг юм. Мөн хэтэрхий хичээсэн буюу амьдралын хэв маяг нь барьж буй цүнхтэй нь тохирохгүй нь мэдэгдээд байдаг. Хувцаслалтын наад захын суурь ойлголтгүй мөртлөө брэнд цүнх барих нь ерөөсөө л фэйшний ойлголтгүйн илрэл. Өөрт ямар өнгө, загвар хамгийн сайхан харагдуулах вэ гэдгээ анхаарал тавьж бодоогүй ч брэндээр халхавч хийж стильтэй харагдахыг хүсэгчид байдаг.

Ерөнхийдөө бол брэнд хүнийг сайхан ч харагдуулж чадна, бас буруу сигнал өгөхөд ч амархан. Тиймээс брэндийг зөв хэрэглэж сурцгаая. Энд брэндийг зөв хэрэглэсэн жишээ орууллаа.


Өөртөө юу зохихыг сайн мэдэж байна. Бага зэрэг өргөвтөр бараан жинс, классик simple хар polo цамц, хар гутал нь сайн сонголт болжээ. Энгийн мөртлөө классик, элегантны харагдаж байна. Бусад хувцас нь энгийн болохоор бүс нь зөв акцент болж өгчээ.
Иймэрхүү өргөн жинс сүүлийн үед моодонд ороод байгаа. Ер нь нөгөө хуучин цайвар хөх жинснээсээ салах цаг болсон шүү хүүхнүүдээ. Бараан жинс илүү туранхай, элегантны харагдуулна. Бага зэрэг үндсэн сэдвээсээ хазайчихлаа. Жинсний тухай дараа бичих болно.